Ukioq 2000-mili Sisimiut Katersugaasiviat inunnik ataasiakkaanik ilinniartitsinermik suliaqarsimavoq, qarasaasiatigullu paasisitsiniaanermi pisinnaaffissaannik siunissami atorsinnaasaannik tunillugit. Tassani sammineqarpoq internettimi paasissutissanik itinerusumik paasiniaanissamut ilinniarneq, html assinillu aaqqissuinermi atortut sukumiisumik ilinniaartigalugit.

Sisimiut Katersugaasiviata ilaatigut siunertai makkuupput: · Suliap tamakkerlugu nunatsinnut nuutsikkiartuaarnissaa. · Najugarisami ilisimasat nukittorsarlugit. · Nunaqavissunik suliffissaqartitsineq. · Suliffiit ataavartut imminullu napatittut.

Upernaakkut 2001-mi sungiusarneq siulleq MDC Data ikiortigalugu pivoq. Sungiusaqataasut ilagaat Kristian Andersen, tamassumallu sungiusareernerup kingorna Qasigiannguit Katersugaasiata internettimi nittartartagaa suliarisimallugu www.museum.gl/qasigiannguit. Aaammattaaq Kristian-ip Kalaallit Nunaata Qarasaasiatigut Assinik Toqqorsiviup assitassai 1.200 siulliit ikkussuussimavai.

2002-mi sulisut marluk nutaat ikkussuisartutut Assinik Toqqorsivimmut ilanngutsinneqarput, tassaappullu Rosa Olsen aamma Johannes Jerimiassen, Aka.

Aammattaaq Sisimiut Katersugaasiviata ulluni 3. aamma 4 maj 2002 sulisunut nutaanut marlunnut internettimi nittartagaliornissamut ilinnialertussanik aallarnisaataasumik sungiusartitsivoq, tassaappullu Else Marie Platou aamma Ane Katrine Kleist. Katersugaasiviup nammineq sulisuisa ilaat, Aviaja Greve Rasmussen aamma sungiusarnermi peqataavoq. Sungiusarneq Jakub Medonos-imit Kulturi Kalaallit Nunaat-mut isaariamik pilersitsisimasumik ingerlanneqarpoq.

Sisimiut Katersugaasiviata massakkut Else Marie Ane Katrinelu suliassaminnik aallartissinnaaniassammata ataavartumik isumaqatigiissuteqarfigiinnarnissaannut qulakkeerinninnissaminik sulissuteqapoq.

Sisimiut Katersugaasivik, 5. maj 2002